Ematen ditugun bidai ezberdinei buruzko klaseak zein ostiraletako txarlak oso interesgarriak ikusten ditut. Bidaietan ikusi dezakegu beste hainbat lekuen bereizgarriak, arkitektura, bizitza mota, paisaia tipikoa... Eskura ez ditugun leku ezberdinen hurbilketa bat lirateke. Eta klase bakoitzaren ostean horra bidaiatzeko gogoekin ateratzen zara.

Adibidez ostiralean eman genuen Islandiako klasean, irudiak ikaragarriak ziren, hango paisaia indar handikoa da, argazkiz argazki liluratuta geratzen zara , lekuko koloreaz, begetazioaz, intentsitateaz, naturak sortzen dituen kapritxoetaz...

Adibidez ikusi genuen urbanizazio baten argazkia, non hainbat etxe moderno zeuden eta ingurunea basatia zen, inguruko belar altua lasaitasun bat ematen zion inguruneari eta hemengo errepide, espaloi, farola, banku.. eta betiko parnafernaliarik gabe beste itxura bat hartu zuen irudia, eta oso polita eta askea iruditu zitzaidan. Eta horrela erakutsitako beste pila argazkiekin zeinak sentsazio ezberdinak sortzen zituzten.

Geroko txarla ere oso interesgarria izan zen, askotan hitz egin dugu musika eta arkitekturaren erlazioari buruz eta interesatzen zaidan erlazio bat da, musika ikasi izan dudalako hainbat urtetan eta arkitektura ikasketetan sartu arte erlazio honetaz konturatu ez naizelako. Txarlan ikusi nuen sorkuntzan adibidez antzekotasun handi bat daukatela. Nolan idei batetik, forma edota melodia bat izan, ideak jasaten duen eboluzioa gehiketaz suertatzen dela askotan, baina ildazkatuak dauden gehiketak, hau da, haien artean konekzio oso zurrunak dutelarik: harmonia, fatxadaren pentsamendua, perkuzioa, distribuzio egokia , ahotsa, espazio publikoarekin lotura, ... azkenean osotasun bat lortu arte.